الشاعر الغنائي بُشرى سليمان سعيد

الشاعر الغنائي بُشرى سليمان سعيد

كتب عنه الفنان التشكيلي عزالدين ساردية:
بُـشرى سليمان رجل فنان... ورجل فوق العادة...
ومثل هذه الصفات بالتأكيد لا يحتاج اكتشافها في الإنسان
لـكثير عناء ولا زي ما بيقولوا دايرة ليها درس عصر...
لـأن الفنان يظل فنان... والمميز يظل مميز... والفلتة يظل فلتة....

بٌشرى سليمان توحي كتاباته بأنه:
خليط بين جنون وجمال ولهفة ،
حنان مغمور بين طيات روحه ،،
عنفوان عاشق خالد في تاريخ وجغرافيا الحياة ...

هو ،
عاشق
فاره
شامخ

وعــد المستحيل

كلمات/ بشرى سليمان
غناء/ الهادي حامد ود الجبل

أنا كنت قبلك لا غريب
ولا كنت عارف لى دار
لا عرفت معنى الدهشه كيف،
ولا ضقت طعم الإنتظار
صدقت وعد المستحيل
وبنيت على الأوهام مزار

** **

وقلت أغني
صوتى ضاع وسط الزحام
كانت الأحزان معاي
فى سكتي وجوة الكلام
لا الهوان قادر عليهو
ولا الفرح في حضني نام

** **

وجيتي فى زمني الحزين
شاره للترحال بداية
الخُطى التواهة لاقت
والأمانى علينا جاية
لا الزمان حسيت مداهو
ولا حروفي لقت نهاية

عدد الرسائل : 78 تاريخ التسجيل : 07/02/2008

بشري سليمان

رجل يفيض عذوبة ورقه

بديع في معانيه

يعرف كيف ينتقي

ما لذ وطاب من عالم الابجديه

ينسج منها عقودا ماسيه

يزف اعراس القصيد

بلا عناء

يا بشرانا به وبكل معزوفاته

اكثري عزيزتي تاجوج من اقتناص

كل ما يصادفك واسكبيه لنا

لنرتوي منه وستجدينا

اشد ظمأً

بكرى

حضور مترف..بجمال ..هنا
بشرى سليمان
أحاديث ..
تشعرك .. بعالمها
وتمضي بك إلى
البهاء والجمال وثقة الحرف الذي يمتد من ثقة صاحبه به ..
كن هنا ...
بشرى سليمان رجل تعجز أحرفي
عن إيفائه حقه ...

لقى أصحابو .. ونسى أحبابو

زي الشوق ما عدّى بـبابـو
وحتى حنانو الكان متدسّي
سجل جواي ، نبض غيابو

** **

أسأل مرّه علينا شوية
لو في بالك بس طارينا
وخلي الذكرى البينا تفرهد
تبقى معابر منك ، لينا
أصلك عارف كيف بـنعزّك
يا الختيت بصماتك فينا

** **
ولو بالجد أنت بـتتذكر
طعم العشرة ولون الود
كان من بدري سألت علينا
وما خليتنا نقاسي الصـدّ
ورغم جفاك والحسرة الفينا
ليك أشواقنا الفايتة الحـدّ

غـــريبة
كلمات / بُـشرى سليمان
غناء / على السقـيد

غريبة الليلة تسأل
عن أحوالي كيفن
وإنت الريد نسيتو
وعارف الحال تبدل
***
وجاى بعد غياب
ترمي علي عتاب
تعيد أحزان قديمة
تقول نرجع صحاب
ودا الما ممكن يحصل
***
زمان أنا كنت عندك
ريدك وضي عيونك
وكان من نور عيوني
تشيل وتضوي كونك
براك ضيعتو ريدنا
بى كترة ظنونك
وما كان دا المؤمل
___

عدد الرسائل : 48 تاريخ التسجيل : 07/02/2008

الرائع حد الجمال

**
بشري سليمان
**

هنا سيدي تفتحت مسامات جلدي إلى مداخل الروح والجسد..

واتوقف استجدي عمري الف مره ...

الكل يعمل لكي تخرج هذه الـــلوحه مزدانه بأجمل وأحلى

الألوان علهـــا تكتمل لنفترشها ونجلس عليها نتبادل الحرف بكل حنين
**
بشري سليمان
**

تطل علي شرف الحضور .. تترجم لي كيف اقراء ما تخطه تلك

الانامل من حروف ..

وتعلمني انتظارات النوافذ للشروق

كن بخير

وما أجمل أن يقابل
المساء بهمسات دافئة
مثل كلمات
بشري سليمان
مشاعر صادقة وأبجدية
حروف غاية في الرقة ..
أسعدني لتواجدي هنا
ومصافحة تلك الهمسات
الدافئة
واعزرني فلم اجد ما يناسبك بين كلماتي
فأنت اسمي وارقي من ان توفي كلماتي البسيطه وصفك
صديقتي
تسلم عيونك على كلمات الرقيقة
والتي نسجت بخيوط راقية.
مع خالص الود والتقدير .
تقبل مروري المتواضع
تحيتي لكى

كلمة السر
الشاعر/ بُشرى سليمان سعيد
لحن الموسيقار / يوسف الموصلي
غناء/ عادل صديق

كلمة السر اللي فى عينيك .. مقيله
شايلة فى جواها.. أحزانا النبيلة
والأماسي الواعدة ،
والخطوة العديلة
البروق .. والمطره والأشواق على حرف الجديلة
*** **
والبعاني أنا و بفتش ،
لي معانيها .... السنين
حاجة عن دنيانا غايبة ،
كلمة تدسّة .... وتبين
غنوة فى أعماقنا تايهة،
بحّة في الصوت الحزين

*** **

ومهما ضاعت ..
فى دروب سفري الملامح
عارفو خاطرك لي مسامح
وديمة حضنك لي فاتح
لا ببدل ..
لا بغير ،
لا هواك من بالي رايح

أستنيتك .. تظهر تانى

استنيتك تظهر تاني
يا المتحكم فى أكواني
غيرك .. ما بتطيب أشجاني
يا الهزّيت دنياى .. وكياني

** **

واستنيتك ..
تجى كـالعادة ،
أنا والشوق وأحلام وقّــادة
ما بقى لي في الدنيا إرادة..
يا الأدمنتو هواك .. وزيادة

** **

واستنيتك ..
تَوفي بـ وعدك
تملى سماي بي زاهر وردك
تبقى دليلي ونور أيامي
يا الخليتني أسير .. لي قلبك